Мин тагын үземнән еракта…

Мин тагын үземнән еракта…
Бу ни мәл булыр бу?! Ни хаят?!
… Төштәге очрашу!.. Төннәрне елатып…
Тетрәнеп пышылдау: » Ниһаять!»

«Күпмегә?!» Ни диим?! Төшләрнең
Бу җирдә гомере мизгеллек…
«Китмә! Кал!..» Мәңгелек ярату
Төшәр күк күзеңнән өзелеп!..

Мәңгелек ярату ярасы яңарыр…
Һәм күчәр дәвергә дәвердән!
…Мендәрдә чык кала җаннарга
Төш булып төшүче әрнүдән…

Эльмира Җәлилова

Комментарии:

Добавить комментарий

Войти с помощью: 

Ваш e-mail не будет опубликован.

Имя *
E-mail *
Сайт